كمية الحركة هى بطاقة تعريف لاى جسم له كتلة معينة وبيتحرك بسرعة معينة. زى البطاقة الشخصية بيكون فيها معلومات عن الشخص. فى الفيزيا كمية الحركة بردة هى البطاقة الشخصية للجسم المتحرك. ومعناها الفيزيائي هو انها بتبين لى الجسم ده حركته قوية ولا ضعيفة بمعنى لو انا واقف على طريق ولقيت عربية ترلة ضخمة جاية بسرعة كبيرة فطبيعي انى هخاف اعدى الشارع رغم انها بعيد عنى شوية لكن منظرها وهى جاية على يخوف وده لان لها كتلة ضخمة وجاية بسرعة كبيرة. ولذلك لو ضربنا سرعتها فى كتلتها هيطلع رقم ضخم جدا بيعبر عن قوة الحركة اللى فيها العربية دى. وده اللى بنسميه كمية الحركة. وبتختلف عن طاقة الحركة لو حابة افسرلك معناها مفيش مشكلة