التقى تليفزيون اليوم السابع مجموعة من الشباب الذين تمكنوا من إنقاذ 3 أطفال عالقين داخل شقة سكنية، اندلع فيها حريق بمنطقة كعابيش في فيصل.
وتسلق الشباب بكل عزيمة وتحد نوافذ الشقق التي تقع أسفل الشقة التي شهدت الحريق واجهة العقار وقاموا بإنقاذ 3 أطفال من ألسنة اللهب، قبل حدوث الكارثة.
قال محمد الشيمي وهو يعمل سائق توك توك لتليفزيون اليوم السابع:” كنت معدى بالتوكتوك في الشارع وسمعت صوت صريخ من بلكونة في دورعال، وخرج من الشقة دخان أسود كثيف، وفورا توجهت إلى العمارة وصعت إلى الدور الـ11 وحاولت كسر الباب ولكن فشلت، وفورا نزلت للدور العاشر وصعدت من البلكونة على الشقة وقابلني شباب آخرين صعدوا على كتفي ونزلوا الأطفال عبر البلكونة، الحمد لله إن ربنا بعتنا في الوقت المناسب، مكنتش أعرف الشباب اللى ساعدونى إلا عن طريق اليوم السابع”.
وقال كريم الناصر:” أنا من السيدة وكنت معدي بالصدفة، لقيت النار والدخان طالع من شقة بنت صرخت صرخة واحده وصوتها اتكتم من الدخان، وربنا ألهمنى ومعرفتش أنا طلعت الدور الـ 11 إزاى، وقررت اني هجيب الاطفال دي لاني فقدت بنتى فحسيت يعنى إيه ابنك يموت، ومكنتش اعرف مين واقف جنبى ولا مين بيساعدنى”.
وقال محمود دياب وهو يعمل على ونش لنقل الأثاث:” ساكن قصاد العمارة وشميت ريحة دخانة في بيتى وانا قاعد ببص من البلكونة لقيت الدخان طالع من الشقة والبنت بتصوت قررت انزل فورا، وطلعت للدور الـ11 وكسرت باب الشقة والدخان كان قوى جدا، بس قررت ادخل الشقة وانقذ البنت الكبيرة وهى وسط النار”.
Source link
